ls ich ouch ein wyll by der selben bäsin hernach in der Wildin was, kam min eltester bruder uß eim Zafoier krieg, bracht mier ein höltzins rößlin, das zoch ich an eim faden vor der thür, do meinnet ich gäntzlich, das rößlin könde gan, daruß ich kan verstan, das die kind offt meinnent, ire tüttin (Puppen) und was sy hand, sigend läbendig. Min bruder schreit ouch mit eim fuß über mich und sprach: "Oho, Tomillin, nun wirst nit mer waxen"; das bekümert mich.